كما تدين تدان

اذهب الى الأسفل

كما تدين تدان

مُساهمة  ساره كيوان في السبت أكتوبر 27, 2007 11:35 pm

السلام عليكم ورحمه الله تعالى وبركاته

الاخوه الاكارم والاخوات الكريمات ابدأ حديثى معكم بقصه قد تكررت على
مسامعنا كثيرا وقد تحدث فى بيوت الكثير منا وقد سمعناها بطرق عده ومن اناس عهدوها نبدا على بركاه الله

اولا :افراد القصه
ست البيت .الزوج.الابنه.الابن.الحماه.الخاله(اخت الزوجه)

يحكى انه فى يوم من الايام تزوج ابن الحاجه فلانه ببنت الحاج فلان ومرت الايام سعيده بينهم وانجبوا بنتا وولدا وفى يوم من الايام بعد مرور السنين الكثيره كانت الام مشغوله بأعمال المنزل واذا بجرس الباب رررررررررررن
الام:قومى يابنت شوفى مين
البنت :حاضر ياماما
وبعد ان فتحت الباب ا بها الخاله فلانه ....ماما ماما دى طنط .....
الام:اهلا اهلا حبيبتى اخبارك
الخاله:مش بتسألى قلت اسال انا مكانتش اخوه ولا بيت واحد الى كنا عايشين فيه
الام:مانتى عارفه المشاغل والراجل ده عامل وعامل ..........ولاالعيال يووووووه عفاريت مغلبنى خالص مفيش حد مريح ولا ولا ولا ولايقى الست الى اسمها حماتى وقطع الكلام اتصال هاتفى
الام :الو
اووووووف طلعت حماتها فقالت متشدقه هامسه بأذن اختها لو كنا جيبنا سيره خمسين جنيه مش كانت اجت جبنا سيره القط جت القط جه ينط
ايم ياحاجه خير فى حاجه
الحماه:خير يابنتى انا بسال عليكو بقالى سنه مش شفت حد منكم ولا حد جانى
الام:والله مانتى عارفه الظروف وال.........
الحماه:انا يهمنى انكو تكونى بخير واخبار جوزك ايه لما ييجى ابقى قولى له يعدى عليا ضرورى كنت عوزاه
الام:خير فى حاجه
الحماه:لاابدا كنت عوزاه يشترى لى العلاج بس اوعى تنسى مانتى عارفه لما مش باخد العلاج بيحصل لى ايه
الام: علاج طيب طيب هبقا اقوله
الحماه :ابقى تعالى ودينى من فتره للتانيه
الام: طيب لما اشوف نفسى مانتى عارفه عالعموم هشوف كده اول الشهر ابقا اجى لك نص ساعه
الحماه:طيب يابنتى عاوزه حاجه اوعى تنسى تبعتى لى زوجك
الام:لما يجى لو افتكرت هقوله مع السلامه
الحماه:مع السلامه يابنتى

يوووووووووووه علاج وقرف عالصبح
الاخت:مالك حبيبتى فى ايه
الام:شوفتى بقا ياستى ادى الست حماتى دنا لسه متكلمتش عنها اهى طالبه الراجل يجيب لها علاج
الاخت:وماله ست كبيره وبعدين هتطلب من مين غير ابنها
الام:ايه ايه ايه وماله اومال ان مكنتيش عارفه البير وغطاه ده المرتب بيغطينا لاخر الشهر بالعافيه دنا بقالى سنتين لاغيرت لون الشقه ولا جبت طقم جديد وفلانه جارتى جايبه...... كل لما تطلب حاجه تيجى عالراجل الغلبان ماخواته كل واحد ماشاء الله عليهم الى عنده........والى معااااه........مش بتقدر غير على الغلبان الى مش بيقول لا ابدا
الاخت:دى زى ماما عامليها كده
الام:ماما مين الى تقارنيها بواحده زى دى
الاخت:صحيح انتى ليه مش بتزوريها انا عند حماتى يوم ويوم
الام:حماتك هو انتى فى زيها دى ست سكره انما انا اهه على يدك
الاخت :طيب ماتخليهاتيجى تقعد معاكوا هنا
الام:ياشيخه تقعد فين البيت زى مانتى شيفه يادوب واخد البت والواد اقعدها فين فى الصالون ولا حجره الاستقبال التانيه ولا حجره المكتب ولا....يادوب البيت مكفى
الاخت:بصى يا اتقِ ربنا فيها واعرفى ان كما تدين تدان
الاخت وانا بعاملها بما يرضى الله مش لازم تقعد معايا عشان ابقا متقيه الله فيها
الاخت :انا قلت لك وانتى حره اتصلى على زوجك مش تستنى لما يرجع خليه يجيب لها الدوا واشكرى ربنا واذكرى نعم زوجك شويه الراجل مش مقصر معاكى بحاجه لو جاب لنفسه حاجه بيفتكرك
الام:ونا قلت حاجه غير كده لاسمح الله منا حمداه وشكراه الحمد لله هو انا عمرى اشتكيت ولا حد سمع لى حس (هههههههههه اعذرونى لم اتمالك نفسى فاكثر الشكايات تقتنعن انهن شاكرات).

نعود للقصه :خرجت الاخت متعجبه من حال اختها فليست هذه التربيه التى ربتهن عليها امهن
وظلت صاحبتنا تدير اعمال البيت وتفكر:اااااه يادماغى دوا احنا ناقصين بكره تقول دكتور وبعده مستشفى لالالالالالالا دماغى هتنفجر ايه ده مفيش الا احنا
وقطع تفكيرها صراخ الاولاد
مااااااااااااامااااااااااا ياماما
الام:فى ايه ياولد انت وهى
البنت:ابنك ياستى قاعد يلعب فى علب الدوا
الام:سيب الدوا وروح ذاكر يلا عشان مضربكش
الابن:ياماما انا بحبك وعاوز اعين الدوا ده عشان لما تجوز ومراتى تخبى عليا ان انتى عاوزة دوا تبقى تاخدى من ده عشان متقوليش لحد هات لى
الام وقد انهارت بالبكاء واسرعت تجاه الهاتف
الام:الو الو
الزوج :خير حد من الاولاد جرى له حاجه
الام:لا بس والدتك عاوزة الدوا روح هاته لها وارجع لو مش هتعرف قولى انزل لها انا اروح ولا انت هتروح
الزوج:لاانا رايح
الام احتضنت اولادها بعد ان شعرت بجرمها الشديد

وانتهت القصه
اختى الحبيبه اتدرين لما قصصت هذه القصه اختى الغاليه حماتكِ=امكِ
اتقِ الله عزيزتى فيمن ربت لكى زوجك عاونى زوجك على برها واعلمى انه كماتدين تدان انتى اليوم اما وغدا حماه لابنا وبنتا الاتخشين على نفسك تتكرر المشكله معكِ بالله ماهو شعوركِ وقتها؟ربيتى سهرتى تعبتى واخيرا...ماذا حصدتى؟ اختى اريدكِ ان تزرعى زرعا تجنى منه ثمارا طيبه فى الوقت الذى تكونى باشد الحاجه فيه للثمار تجديها
اعلمى انك لو اعنتى زوجك على عقوق ووالديه فعاق الوالدين عقابه:
ابشرى ب7مصائب دنيويه و3أخرويه:
*يطفأالله نوره*الذل فى الدنيا*عدم النطق بالشهادتين*نزول المصائب*دعاء الابوين مستجاب عليكم*ابنك وبنتك يردوا لى العقوق*تحرموا الجهاد(فلايدخل حائط القدس مدمن خمر ولا عاق لوالديه).
اماالاخره:
لاينظر الله لكم يوم القيامه_لايقبل الله اعمالكم_تدخلون الجنه اخر البشر
اختى بر الوالدين واجب ومن باب اولى برى ام زوجك فالبر:كل شئ يشمل الرحمه والعقوق اتدرى مالعقوق؟؟
عاق الثوب:مزقه وعاق الماء:تكدر الماء وتغيره
فعاق والديه:مزق علاقته مع الله بارادته
لن ازيد على ماقلت لانكِ على خير وستراجعِ نفسكِ واحسب انكِ لاتريدى ان توضعى فى نفس الموضع الذى حدث هذا

كتبتها لكم اختكم

_________________













avatar
ساره كيوان
AdMiNiStRaToR
AdMiNiStRaToR

عدد الرسائل : 118
تاريخ التسجيل : 10/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى